تمرين جديد بمناسبة شهر رمضان للمحترفين

بسم الله الرحمن الرحيم

الموضوع النهارده مميز شوية وهنتكلم فيه عن نظام ممكن الكتير منا ما سمعوش عنه لانه مش منتشر في النوادي والصالات الرياضية ولو رحت قلت للكوتش بتاعك في الصالة هيقولك: "بطل هبل يابني وروح العب حاجة تنفعك الكلام اللي انت بتقول عليه ده لابطال العالم لسه ادامك كتير".

بس انا بقول ليه منجربش حاجة جديدة وفي ناس كتير في العالم لعبوا الطريقة دي ويكفي اني اقولكم واحد منهم وهو كفايةهوMr.Olympia Arnold Schwarzenegger

الراجل ده لوحده كفاية مع ان في ناس كتير لعبت الاسلوب ده بس انا هاكتفي بارنولد وعشان مااطولش عليكم نخش في المهم.

الاسلوب ده اثبت جدارته في الزيادة العضلية السريعة وانا من وجهة نظري ان لاعب كمال الاجسام لازم يغير نظامه التدريبي من فترة للتانية علشان العضلة متملش من تكرار نفس الاسلوب شهر بعد شهر """لابد علي لاعب كمال الاجسام يغير نظامه التدريبي كل 3 شهور"".

وانا هاقولك عشان تشوف نتيجة للاسلوب اللي احنا هنتكلم عنه جربه يا سيدي لمدة 6 اسابيع وشوف الفرق .

الاسلوب ده بيتلعب ازاي؟؟؟؟؟؟ سؤال مهم اقولك يا سيدي:

انت هتلعب النهارده مثلا صدر يبقي هتلعبه كده:

تمرين 1 صدر عالي 10مجاميع في 10 عدات:

بس هتلعب بوزن خفيف او متوسط يعني لو انت اخرك تلعب ب60كيلو هتلعب ب30ك مثلا.

وتعد عشر عدات وهتلاقي نفسك تعبت بعد المجموعة ال5 ولا حاجة ومش قادر تجيب عشر عدات لوحدك تخفف الوزن الي 20ك مثلا وتكمل.

ملحوظه فترات الراحة بين المجامبع في التمرين 1 لازم تبقي قليلة يعني كحد اقصي 30ثانية.

بعد كده التمرين 2 نقول صدر مستوي بالبار 10في 10 :

زي ماقلنا نبدا بوزن وسط ونلعب لو تعبت قلل الوزن,

بس هنا في التمرين 2 فترةالراحة هتزيد شويه الي 1 دقيقة,لانك طبعا مجهد شوية.

بعد كده تلعب تمرينتين طيران اوتجميع عالي ومستوي بالدمبل 3مجاميع في 10الي 12 عدة.

وبكده تخلص التمرينة للصدر,

بالنسبة للباي هيبقي تمرينين الاول بالبار وسط 10في10

,والتاني دمبل 10في10,
وبكده تخلص التمرينة وتروح .

اما بالنسبة لباقي اجزاء الجسم الكبير ة هتعمل زي الصدر اربع تمارين اتنين 10في 10 واتنين 3تمارين في10او12عدة.

اما العضلات الصغيره زي الباي والتراي هيبقي تمرينين 10في10 ,ولو حبيت تزود يبقي كمان تمرين 3في 10او12عدة.

وارجو انكم تكونوا فهمتوا الاسلوب بيتلعب ازاي.

في بقي شويه ملاحظات عشان اقصي استفادة من البرنامج ده:

اهم حاجة التغذية والراحة تستريح مش اقل من 8ساعات في اليوم واكيد يومين راحة من التمرين.

""""لان جسمك مش بيكبر في التمرين في الصالة بيكبر وانت مرتاح او نايم في البيت ""

والتغذية تهتم بنظام كويس واظن ان المواضيع كتيرة في التغذية

» نصائح هامة تخص لاعب كمال الاجسام بمناسبة حلول شهر رمضان المبارك
» تمرين البنش
» شرح تمرين البنش بالصور
» اليوم الثالث تمرين الظهر
» التمرين الرابع تمرين الكتاف