ارجو مشاركتم لى

زائر

السلام عليكم انا بنت بسيطة جدا وطيبة جدا وعبيطة لاقصى مدى ياما اكلت مقالب من ناس عملت معاهم معروف بس الحمد لله كنت باعملو لله للاسف ماليش صحاب وطبعا ليس لانى منطوية وغير اجتماعيه لاننى على الاقل اعرف ثلاثة ارباع طالبات الكلية ولللاسف وعلى الرغم من ذلك لم اجد الصديقة الصدوقة عموما ليست هذه مشكلتى الفعلية رغم اننى افتقد دور الصديقة فى حياتى الا ان ماساتى الحقيقية بدات بعد بعد سنة ونصف من دخولى الجامعة لقد كتبت مشكلتى من قبل على المنتدى الجميل ده من سنة تقريبا ولكنى ساكتبها مرة ثانية وارجوكم كلوكو تقولولى اعمل ايه متبخلوش عليا بالرد ****** حكايتى باختصار انى حبيت معيد ادانى فى السكشن اول مرة دخلى فيها السكشن انبهرت بطريقتو فى الشرح وابهرت باخلاقو واخلاصو واتقانو لعملو ولقيت جواه انسان جميل مبقاش موجود فى الزمن ده لكن قلت لنفسى يمكن يكون بيعمل فيها عندو ضمير ولكن فى كل سكشن يمر كانت اخلاقه العالية تتكشف لى ولاننى متفوقة فى دراستى لفت نظره بسرعة اجاباتى واجتهادى فعرف اسمى لكنه لم ينادنى به ابدا نسيت ان اقول لكم كم هو هادى وخجول وهو ايضا ملتزم وهو دائما يعاملنى برقة بالغة وكم ساعدنى طوال سنة ونصف منذ ان تعرفت عليه وانتهى الترم السنة اللى فاتت وعانيت الامرين فى اجازة الصيف وانا اشكو الى الله تعلقى به وحبى له وحاولت نسيانه ولكن كنت اضحك على نفسى فكان دائما هوالغائب الحاضر معى فى كل مكان وفى كل موقف ومع بداية الترم الاول كم كنت سعيدة ولبست اجمل هدم عندى ونزلت الكلية مش علشان اشوف زمايلاتى لا لكن عشان اشوفو واطمن انو كويس وهناك شوفتو ولكن الله شاء ان يدينى هذا الانسان العظيم فى السكشن مرة اخرى ولا استطيع ان اصف لكم كم كنت اكون فرحة وسعيدة وعلى استعداد ان اطير فى السماء عندما اكون فى السكشن لا وايه العبقرية والوحى بينزلوا بحل المسائل وشغلنا فى السكشن وده خلاه يتنازل شويه ويندهنى باسمى وبعدين حسيت انو اطمن كد وحس انى بنت جادة ومؤدبة وانى عايشة فى دور العلم وبدا يعاملنى كانى زميلتو وخلص الترم الاول بانو بينادينى باسمى لكن كل اللى بينى وبينو انو استاذ وانا طالبة وفى اخر يوم امتحانات بكيت عشان كنت فاكرة انى مش هشوفو لمدة اسبوعين وطبعا الثورة قامت والدراسة اتاجلت ومشفتوش لمدة شهرين وكنت طبعا هموت من القلق عليه خاصة مع احداث البلطجة اللى فى البلد واخيرا بدا الترم التانى واول مرة شوفتو واقف مع بعض الدكاترة والطلبة وطبعا عرفت انو بخير كان نفسى اروح اكلمو بس انكسفت لانى خجولة جدا وبعد كدة ساعدنى كتير ووصى عليا الدكاترة وفضل يمدحنى قدامهم وانا عمرى مهنسى جميلو معايا وانتهى الترم ده وهو واحشنى جدا نفسى اشوفو بس اطمن عليه المشكلة انو فاكرنى البنت الدحيحة السوسة اللى بتذاكر طول النهار والليل عشان تتعين معيدة وانا لاعاوزة اتعين ولا عايزة اى حاجة من الدنيا غير انى اكون جنبو غير انى اشوفو دايما سعيد انا بحبو جدا بس هو يااما مش حاسس بحبى وانا لاعرفت اخبيه كويس وفى الحالة دى اعمل ايه مش عارفة يااما عارف وشايف انى حد مش مناسب قلولى اعمل ايه اكلمو ازاى اتصرف ازاى انا هتجنن وعندى حالة اكتئاب والا انا مش حبيتو وبس انا طول النهار والليل مابفكرش غير فيه حياتى صعبة جدا دايما انا قلقانة عليه ودايما اقول لنفسى هو عامل ايه دلوقتى تصوروا انى ماليش حتى الحق فى انى اطمن عليه واعرف اخبارو انا بابكى بدموع من دم ياريتنى ماكنت قابلتو قولولى اعمل ايه ربنا يكرمكم

موضوع: رد: ارجو مشاركتم لى يوليو 11th 2011, 10:30 pm

الحل انك تستخيرى ربنا فى الامر ده واطلبى من ربنا لو فيه شر ربنا يصرفه عنك ولو خير رينا ييسر الامر ويجعل الخير ليكى واطلبى من ربنا دايما وتقربى منه بالدعاء