كلام جوايا كان نفسى من زمان اقولو

( انتى مش انتى )

من بعد طول الغياب رجعتى من تانى ليا

راجعه تقولى كلمتين ومابينهم سكوت

بقيتى قادره تبعدينى بقيتى قادره تسبينى

كل كلامى ليكى مبقاش يأثر فيكى

ياخسارة مبقتيش تفهمينى

قادره انك تظلمينى

وكل ده وبتتحدينى

عشان قولت بحبك قولت هصبر اصل اللى بيصبر ينول

مختش بعد صبرى ليكى غير شوية كلام بتوجعينى بيهم

كنتى فين وانا سهران ليلك

كنتى فين وانا مشغول عليكى

كنتى فين وانا بدور عليكى

تعبت كتير من تفكيرى تعبت كتير وموش بلاقيكى تعبت ومقولتش الأه فى حبى ليكى

دلوقتى ليه بتقوليلى انى انا سبب فى تعبك .. للدرجادى بقيت حمل كبير على قلبك

عملت ايه عشان اجرحك .. كل اللى عملته انى حبيتك بكل ضميرى

حبيتك وبحب ولسه بوفى ليكى

بس انتى موش فهمتينى لما طلبت منك تعيشى بس معايا

تكونى لوحدى انا تحسى بيا انا

انتى موش انتى

فين الملاك اللى حبيته

فين الأيد اللى كانت لمسانى

فين الحنان اللى كان عشانى

فين الوقت الى كان كله عشانى

بعد كل ده انا الظالم والقاسى

بعد كل ده انا اللى جارج وانا اللى ناسى

دلوقتى جايه تحددى المصير

ده انا سايب ليكى عمرى بين ايديكى .. اعملى كل اللى يرضيكى

ماانا مخلوق بس عشانك

تعبت كتير انى اطلب منك تتكلمى

تعبت كتير فى انتظارى ليكى

تعبت كتير وايه تانى ممكن يرضيكى

متجيش من تانى تقولى انى مبفكرش فى بكره ليكى

ده عايش مستنى الفرصه انى اعمل كل شىء يوصلنى ليكى

مهما غبتى عنى هتلاقينى لانى بين ايديك عمرى ماغبت عليكى

عشان كده بترجاكى ترجعى زى ماانتى من تانى

ده مهما كان ويكون هفضل عايش ليكى

هفضل حبيب لقلبك ولعنيكى .. منا عاشق لكل مافيكى